FAQ
- IPTV və analoq TV arasındakı fərq nədir? IPTV-nin üstünlükləri nədir?
IPTV texnologiyası (Internet Protocol Television) - yüksək dəqiqlikli rəqəmsal televiziya yayımıdır. Rəqəmsal televiziyanın yüksək görüntü və səs keyfiyyəti olur, çünki bizim peykdən rəqəmsal formada aldığımız siqnal heç bir dəyişikliyə məruz qalmır. İkincisi, yayımın diapazonu genişlənir. Analoq TV-də kanalların sayını genişləndirmək mümkün deyil. Rəqəmsal TV-də isə kanalların sayını yüzlərlə kanala qədər genişləndirmək olar. Əlavə olaraq, rəqəmsal TV əlavə xidmətlər təmin edir.
- İPTV və kabel TV arasında fərq nədir?
Kabel TV-nin siqnal ötürülməsi internetlə heç bir əlaqəsi olmadan kabel xətləri üzərindən daşınır. İPTV siqnalı isə internetin keçdiyi xəttin üzərindən ötürülür.
- İPTV-yə qoşulmaq üçün mənə nə lazımdır?
IPTV xidməti GPON texnologiyası üzərindən təmin olunur. Xidmətdən istifadə etmək üçün IPTV set-top boks avadanlığını əldə etməlisiniz.
- IPTV-yə baxmaq üçün hansı televizordan istifadə etmək lazımdır?
İPTV-yə AV, HDMI çıxışı olan istənilən televizorda baxmaq olar.
- İki və daha artıq televizor qoşmaq olar?
Bəli. Lakin bu halda hər televizor üçün ayrıca avadanlıq tələb olunur.
- Hansı kanallarınız mövcuddur?
Kanalların tam siyahısı ilə https://www.baktelecom.az/kanallar linkindən tanış ola bilərsiniz.
- IPTV xidmətinə qoşulmaq üçün nə etməliyəm?
IPTV xidmətinə "BTR" MMC-yə məxsus Rabitə Xidmətləri Mərkəzlərinə və ATS-lərə müraciət edərək qoşulmaq olar.
- Xidmətə qoşulmaq üçün hansı sənədlər tələb olunur?
Fərdi abunəçilər mənzildə qeydiyyat olduqda, yalnız şəxsiyyət vəsiqəsi, mənzildə qeydiyyat olmadıqda, mülkiyyət sənədi və şəxsiyyət vəsiqəsi (etibarnamə);
Fiziki şəxslər (Fərdi sahibkarlar) şəxsi mülkiyyət olarsa, şəxsiyyət vəsiqəsi, mülkiyyət sənədi, VÖEN, şəxsi mülkiyyət olmazsa, şəxsiyyət vəsiqəsi, icarə müqaviləsi, VÖEN;
Hüquqi şəxslər yazılı müraciət (məktub), VÖEN, dövlət reyestrindən çıxarış, icarə müqaviləsi (mülkiyyətçi olmadıqda) və ya mülkiyyət sənədi (mülkiyyətçi olduqda) ilə müraciət edir və bu sənədlər əsasında müştəri ilə müqavilə bağlanır.
- Qoşulma haqqı nə qədərdir?
Siz əgər Baktelecom-un internet istifadəçisisinizsə, İPTV-yə qoşulma pulsuzdur.
- Mən internetə qoşulmamışam. IPTV-dən istifadə edə bilərəm?
Bəli, siz internet istifadəçisi olmasanız da, bizim IPTV xidmətimizdən istifdə edə bilərsiniz. Lakin bu halda sizin mütləq telefon xəttiniz olmalıdır və İPTV xidmətinə qoşulma üçün 5 AZN ödəməlisiniz.
- Mən set-top box olmadan İPTV-ə baxa bilərəm?
Xeyr, siz set-top boks olmadan İPTV-ni izləyə bilməzsiniz.
- Qoşulma neçə gün ərzində həyata keçirilir?
Qoşulma 3 iş günü ərzində həyata keçirilir.
- İPTV xidmətinin aylıq ödənişi nə qədərdir?
İPTV-nin aylıq ödənişi 4 manat təşkil edir. IPTV-nin təmin etdiyi digər xidmətlərin tarifləri üçün linkə daxil olun: https://www.baktelecom.az/tarifler-2
- Xidmət haqqını nə zaman ödəməliyəm?
Birinci ay üçün xidmət haqqı qoşulma zamanı həyata keçirilir, növbəti aylarda isə hər cari ayın 5-dək həyata keçirilir.
- Müştərinin internet xətti aşağı olması IPTV görüntüsünə təsir edir?
IPTV-nin görüntüsü internetin sürətindən deyil, telefonun xətt parametrlərindən asılıdır.
- Mən mövcud televizorumu IPTV ilə birləşdirə bilərəm?
Bəli, siz mövcud televizorunuzu IPTV xidmətləri üçün istifadə edə bilərsiniz. Sizə televizorda yalnız set top boksa qoşulmaq üçün Video və Audio input interface-i lazım olacaq.
- Mən başqa provayderin internetindən istifadə edirəm. Sizin IPTV xidmətinizdən istifadə edə bilərəm?
IPTV xidmətindən istifadə etmək üçün müştəri Baktelecom-un Fiber Optik internet istifadəçisi olmalıdır.
- Hansı üsulla IPTV xidməti üçün ödəniş edə bilərəm?
Ödəniş üsulları: E-gov.az, GoldenPay, Hesab.az, easypay, kassam.az, banklar, ödəniş terminalları (Paypoint) və bilavasitə "BTR" MMC-yə məxsus ərazi üzrə müvafiq Rabitə Xidmətləri Mərkəzində və ya "Şəbəkə" xidmət mərkəzlərindən birində ödəyə bilərsiniz.
- Müştəri xidmətləri ilə necə əlaqə saxlaya bilərəm?
Müştəri xidmətlərimizlə birbaşa 155 Çağrı Mərkəzi ilə əlaqə saxlamaq olar. Eynilə şirkətimizin vebsaytında onlayn müraciət edərək (https://www.baktelecom.az/elaqe-2 və ya "Mənə zəng et" xidmətləri) Müştəri xidmətləri üzrə mütəxəssislərimizlə əlaqə saxlamaq olar.
- Heç bir ödəniş olunmadığı halda abunəçilik hansı müddətə ləğv olunur?
2 ay ərzində heç bir ödəniş aparılmazsa abunəçilik ləğv olunur.
- "BTR" MMC ilə bağlanmış abunə müqaviləsinə xitam vermək üçün nə etmək lazımdır?
Baktelecom ilə bağlanmış abunə müqaviləsinə xitam vermək üçün Baktelecom-un müvafiq Rabitə Xidməti Mərkəzinə və ya "Şəbəkə" mərkəzlərinə 1 ay öncədən ərizə ilə müraciət etmək lazımdır.
Mənə zəng edin
Həftənin 5 iş günü ərzində
saat 09:00-dan 18:00-dək xidmətinizdəyik.
